هل حساسية طفلي للأبد؟
حابة احكي اليوم عن حليب ضد الحساسية ( نيوكيت ، ولا نوفولاك ولا الفامينوا ولا غيرهم )
هل إذا طفلك بعاني من ارتجاع - أكزيما - إمساك هنن الحل؟
هل لازم توقفي رضاعة طبيعية؟
هل إذا غيرتي الحليب الصناعي لهدول فأمورك تمام ؟ هل مضمونين ؟
خلينا نبدأ بالبداية ، لنفهم الحكاية كاملة ( وعي الأم هو الأساس )
الجهاز الهضمي جزء من الجهاز المناعي و بالتالي أي شيء الجسم حيعتبره خطر حيصير في ردة فعل
ما حنحكي عن الارتجاع اليوم فقط الحساسية -يعني وصل المحتوى للأمعاء
الطفل وقت يخلق ما يكون عنده كل الأنزيمات اللازمة للهضم - الطفل تحت ٣ شهور ما بكون عنده أنزيم أماليز المسؤول عن هضم النشويات نهائيا
يبدأ أنزيم أماليز بالتواجد بعمر ٣ شهور باللعاب عند جميع الأطفال و لا حتى بالأمعاء
ليش بحكيلكم هل معلومة لأنه هي أساسية وقت يكون في حساسيات سواء من أكل الأم أو من حليب الصناعي
وقت صحة أمعاء الأم تكون تعبانة و إذا بتاكل نشويات كثيرة بالنسبة لجسمها - كل حد فينا عنده قدرة و سرعة لهضم النشويات - ( شو ما كانت ) حيصير في ردة فع ما لأنه الطفل يتحسس من النشويات و لكن لأنه الأم بتاكل نسبة كبيرة بالنسبة لسرعة جسمها على هضمها و انتاج الحليب
و بالتالي حتدخل النشويات الكبيرة الغير مهضومة تماما إلى الحليب كمركب صعب و تسبب ردة فعل ( ارتجاع - إمساك-أكزيما - دم بالبراز - براز أخضر )
إذا كانت كمان الأم اخدة مضاد حيوي و الطفل ولد قيصري لسى الأمعاء حتكون بدها ترميم أكثر
لانه الطفل ما مر بقناة الولادة و ما أخذ البكتيريا من الأم و لانه المضاد عدم كل البكتيريا يلي عند الأم و بالتالي أي شيء حتى لو ما صعب الهضم ممكن يسبب حساسية بسبب انه بغذي البكتريا الضارة و بزيد تهيج عند الأم و الطفل
إذا الأم ما آخذة مضاد حيوي ، و خلق الطفل ولادة طبيعية و لكن لسى الأم بتاكل كثير نشويات \ سكريات بالنسبة لسرعة هضمها لسى حيدخل كمركب صعب
و لسى بصير عنا ردة فعل (أقل طبعا من إذا أمعاء تعبانة)
أنا ما بقول تقطعي كل النشويات و السكريات و لكن أكيد ما لازم تكون هي أساس غذائك
طيب إذ الأم يا دوب تاكل نشويات و سكريات و لسى طفلها متحسس
شو بكون بصير ؟ أكلها صحي خضار و بروتين و أكل بيت ليش يتحسس
هون نطلع على صحة الأمعاء عند الأم و إذا أكلها يلي معتبرته صح مناسب لوضع الطفل حاليا ( السلطة - المرق - البذور - الخضار الخ)
لأنه إذا أمعاء الأم تحتاج ترميم حتى لو ما ماخذة مضاد - أي طعام ممكن يسبب حساسية لأنه بكون بأثر على أمعاء الام و هي ما بتعرف لانه هو صحي
و تأثيره الصحي ممكن يكون كثير قوي لوضع أمعائها حاليا و يسبب أعراض لانه بغذي أو يقتل بكتيريا نافعة بقوة و بالتالي البكتيريا الضارة هو و بتموت بتفرز سموم
و هذا حيسبب أعراض عند الطفل و الأم حتفكر حساسية
طيب بعد ما فهمنا الأمعاء و تأثيرها على الطفل و قدرة الطفل على هضم النشويات و كيف أنزيم الاماليز من أكثر الأنزيمات يلي طول
صار دور نحكي عن حليب الحساسية ، عادة الأم يلي تعطي حليب الحساسية إما تكون بترضع جربت تقطع مسببات الحساسية و ما انحل الموضوع
أو تكون بتعطي حليب صناعي و ما ناسب فالطبيب اقترح حليب الحساسية
يقول الطبيب للأم هذا الحليب مخصص للأطفال يلي عندهم حساسية - ولكن ما بيشرحلها انه طفلك ممكن يتحسس منه
و بالعكس بحسسها إذا شافت أعراض انه هذا الشي مستحيل
أنا هون لفصلك الموضوع
حليب الحساسية في مكونات مثل أي حليب صناعي و مثل حليبك
و بالتالي يلي حكينا فوق ينطبق على حليب الحساسية
يعني صح ممكن يكون ما في بروتين بقري ( يلي هو أصعب بروتين حيواني للهضم - و هذا سبب انه هو حساسية شائعة لأنه الطفل ما بكون عنده الأنزيمات اللازمة لهضم هذا البروتين )
و لكن حليب الحساسية في مكونات بديلة
إما الرز - يلي هو نشويات و بالتالي ممكن يسبب أعراض عند الكثير من الأطفال ( حسب عمر الطفل و نسبة تهيج تبعه و قدرته على الهضم)
الذرة - يلي هي عادة أسهل من الرز و لكن كمان نشويات معقدة و صعبة على كثير من الأطفال ( حسب عمرهم و نسبة تهيج عندهم )
السكر - شراب جلوكوز أو مالتودكسترين - يلي هنن قطعا الأسوأ للأمعاء بحكم انه بغذووا البكتيريا الضارة عند الانسان مع الوقت و بالتالي بهيجوا الأمعاء
كل أنواع حليب الحساسية ممكن تسبب حساسية عند الطفل. ممكن تناسب البعض و ممكن لا
مثل ما الطفل ممكن يتحسس من أكل الأم و طفل لا
أو من حليب صناعي معين
لازم ندرس الأعراض - هذا أساس وضع خطة جذرية
حليب الحساسية ممكن يحسن الأعراض و بالتالي تحسي وضع أحسن لأنه هو بدون مسبب أساسي للحساسية عند طفلك
ولكن إذا لسى في أعراض انزعاج، هضمية جلدية ،تنفسية
لا تقبلي بأحسن ، الحقي الحل الجذري
( انت أول ٣ سنوات تأسسي صحة أمعاء طفلك للحياة ( ٧٠ - ٨٠٪ من هذا التأسيس بصير خلال السنة الأولى من حياة طفلك
هلأ تحددي مناعة ، تقبل الأكل ، امراض مناعية ، سلوك ، فرط الحركة و تشتت انتباه و كثير غيرها
بتمنى تنشري هل مقالة لكل أم حاسة حالها ما ضايعة و بتمنى تعرفي
موضوع ينحل تماما من جذره
كل حب
جيدا شورى
أم لطفلين و أخصائية ارتجاع الأطفال
خبيرة ترميم أمعاء